師傅配方@ siubeeの四眼看世界:: 痞客邦 | 合法藥品大搜索

師傅見我咳過不停，又不停流鼻水，便醒了我一劑良藥！﹙師傅堅...師傅：你可以去藥房同佢講你要買PEC咳水，PEC是一種成份，唔係牌子名，但要同佢講要濃一點的，太淡的你應該無用。如果你唔...美食優惠都在痞客邦，快來下載痞客邦APP.

師傅見我咳過不停，又不停流鼻水，便醒了我一劑良藥！﹙師傅堅稱有效﹚

這良藥其實是由北京同仁堂出品的「感冒止咳沖劑」，加熱水便可以飲用，不會眼訓。師傅還說：「如果師妹你見止咳有效，便記住去買啲一日三次咁飲啦。」

誰知，的確有效，但不是止咳，是止了鼻水！哈哈，師傅說我是一個怪人。

今日返夜，師傅見我仍然咳過不停，便嚇我過了今晚便知味道。他見我未能止咳，便再醒我一招。

師傅：你可以去藥房同佢講你要買PEC咳水，PEC是一種成份，唔係牌子名，但要同佢講要濃一點的，太淡的你應該無用。如果你唔知點叫濃，叫佢俾幾支你選，睇PEC的%便知哪一種較濃。 我：會唔會問我攞醫生紙？ 師傅：又無人叫你去屈CC買，你去普通藥房有生意做多謝你都嚟唔切啦！<--膽小者請勿試，以免你口震震引起別人的懷疑。 師傅：但仲要雙管齊下，因為啲西藥很燥，所以你要再煲啲嘢飲。 　　　1.龍利葉 + 南北杏 + 蜜棗 　　　2.夏枯草 + 豬橫利 <--咁咪又鹹又甜囉？！ 　　　3.在超市有售的夏枯草即溶沖劑，唔係鴻x堂的夏枯草，當汽水就得 我：好，睇情況我聽日都要試下。 師傅：包你見效，但一般人一開始都只會乾咳，只有阿姆才會一咳便有痰，啊你真係有點怪…… 我：師傅，我唔係阿姆……﹙在旁的師兄已笑過不停﹚

在此謝過師傅的良方，得唔得都謝謝他的費心。又，師傅又讓我多沖一包「感冒止咳沖劑」，確實在晚上當更時少咳了。只不過，痰好像多了……>O<