順反異構 | 合法藥品大搜索

對於有機物，仍然可以用E/Z命名法（英文：E-Znotation）。環[編輯].雙鍵可以睇成係特殊嘅環（二元環 ...

有機化學嘅順反異構又叫幾何異構。當分子有唔能夠自由旋轉嘅雙鍵或者環嘅時候，就有可能出現順反異構。無機化學道亦有順反異構，概念基本一樣。

若果兩個雙鍵原子上面連住嘅相同或者相似嘅基團喺雙鍵同一邊，就叫做順式。如果喺兩邊，就叫做反式。例如，2-丁烯（有機物）同二亞胺（無機物）都有順反異構。

順-2-丁烯（IUPAC 名：(Z)-2-丁烯）

反-2-丁烯（IUPAC 名：(E)-2-丁烯）

由於空間位阻影響，一般反式異構體熱力學上比順式穩定。

如果兩個雙鍵上面連住嘅基團全部都唔同，亦無相似性，仍然會有幾何異構，但係唔可以直接用順、反來稱呼。對於有機物，仍然可以用E/Z 命名法。

雙鍵可以睇成係特殊嘅環（二元環），如果化合物裡面有環，亦會有順反異構，而其中反式異構體重有可能有旋光異構。

順-1,2-二氯環己烷（內消旋）

(S,S)-1,2-二氯環己烷（反-1,2-二氯環己烷其中一種）

平面四邊形或者八面體嘅配合物都會有順反異構，例如順鉑係抗癌藥，反鉑就無抗癌作用。