【妥瑞症．二】求醫無方向腦科醫生也未聽聞：差在未飲神茶 ... | 合法藥品大搜索

2020年4月15日—妥瑞症，其實是種腦部神經系統問題，患者的身體會在不受控制下抽搐，...腦神經問題，但佢話香港冇腦神經科呢個分類，其實係撥咗入精神科！

「妥瑞症？係咪即係渴睡症呀？」「郁身郁勢又大叫，係咪精神病嚟？」社會上對於妥瑞症有不少誤解，更可能是未從聽聞。妥瑞症，其實是種腦部神經系統問題，患者的身體會在不受控制下抽搐，做出如拍手、聳肩等的行為，有時又會發出怪聲，甚至模仿別人說出粗言穢語。 以上種種，令患妥瑞症的孩童被看成「頑童」，更有老師指責他們上課「搞事」、「你唔可以忍吓㗎咩？」事實是，他們不能自控，身體每天都承受因抽動帶來的疲累和痛楚，而家長作為照顧者，身心俱疲以外，更因坊間缺乏相關資訊，就連部分醫生，對此症也是欠缺認知。一眾患者和家屬，過去的求醫之路可謂困難重重。 攝影：鄭子峰

妥瑞症一般會於兒童及青少年階段發現，在青春期間病情最為嚴重，其後部分人身上的症狀會逐漸減退，亦有部分會持續至成年。至現時為止，妥瑞症仍未有完全根治的方法，只可依靠服用一些精神科藥物來紓緩症狀。一般而言，妥瑞症患者以男性居多，男女比例約為4:1。女性患者算是少數，今年13歲的Rachael則是其中一位。

Rachael媽媽憶述，約在3年前開始發現女兒常會無故聳肩、「chok頸」，兩手也會突然抽動，眼見女兒受苦卻不明所以，她與丈夫感到手足無措，只可向各方求醫，「真係第一次見，當時好直覺就會去諗，會唔會係腦科問題？去到睇嘅時候，醫生又話冇問題，但又講唔到應該係去睇咩科醫生！」輾轉之間，他們尋遍腦科醫生、心理輔導師、兒科醫生，甚至催眠都嘗試過，「有啲朋友都同我哋一樣，話除咗畀個女飲『神茶』，真係咩都試過！」

「求醫過程中好迷惘，每次睇醫生都用成2、3000蚊，金錢上壓力大，但精神上壓力仲大！」Rachael爸爸表示，過去有好一段時間被這個問題纏繞，...