甲型肝炎 | 合法藥品大搜索

甲型肝炎病毒係一種冇外殼、單鏈嘅核糖核酸病毒，佢屬於微小核糖核酸病毒科肝​病毒屬。佢係喺世界上造成急性肝炎嘅最重要病原體。喺衛生條件好嘅國家極少接觸 ...

甲型肝炎（粵拼：gaap3 jing4 gon1 jim4，簡稱：甲肝，英文：Hepatitis A），舊稱傳染性肝炎（英文：infectious hepatitis），係一種喺人類分佈廣泛嘅病毒性肝炎，有傳染性。

甲型肝炎病毒係一種冇外殼、單鏈嘅核糖核酸病毒，佢屬於微小核糖核酸病毒科肝病毒屬。佢係喺世界上造成急性肝炎嘅最重要病原體。喺衛生條件好嘅國家極少接觸到呢種病毒。呢種病毒抗高溫、酸鹼嘅能力非常高。佢一般通過接觸或食物同水嘅途徑傳染。因此喺公共衛生同家庭衛生差嘅地區感染率相當高，甚至可達100%。

甲型肝炎喺東南亞、俄羅斯、中東、地中海地區、成個非洲同中美洲以及南美洲好常見。

甲型肝炎通過消化道傳播，比如通過手摸到糞便或者尿，然後摸口。緊密嘅身體接觸、唔乾淨嘅食水同煮唔熟嘅嘢食、糞便污染嘅食物係最常見嘅感染途徑。尤其係用糞便施肥嘅蔬菜同海產（比如貝殼等）非常容易感染甲型肝炎。

甲型肝炎潛伏期15至50日，平均28日。急性甲型肝炎可以維持數週以至數月。與其它病毒性肝炎相比，甲型肝炎比較緩同，尤其兒童嘅病狀一般比較輕，有時甚至完全冇病狀。甲型肝炎唔會轉化為慢性，因此唔會導致肝臟長期被破壞。甲型肝炎最容易感染嘅時候係病狀爆發前一至兩個禮拜。但係好返之後嗰一個禮拜都有機會惹到人。雖然大多數病人唔使入院，但係有大概十分一病人係要入院治療。治療時間一般係四至八個禮拜（極少達18個月）。

潛伏期後病人會噁心、嘔、肚痛、發熱、肚痾、精神不振，一般甲型肝炎冇黃疸，少數有嚴重黃疸，尿顏色深，有可能發生膽汁堵塞。

當病人因肝炎症狀就醫時，幾乎為血清IgM Anti-HAV，因此敏感度極高。IgG Anti-HAV出現時間較慢，急性甲肝發病三個禮拜後呈陽性，標記可持續多...