氨基酸 | 合法藥品大搜索

出自維基百科，自由嘅百科全書

氨基酸（粵拼：on1 gei1 syun1；英文：Amino acid）係構成蛋白質嘅基本單位，生物體中總共有二十種噉多。氨基酸按照極性分成極性同非極性，而極性氨基酸又分成帶電同唔帶電兩種。極性氨基酸係親水嘅，而非極性氨基酸係疏水嘅。氨基酸係由胺基、羥基、羧基以及一個特別支鏈組成嘅重要生物分子。組成氨基酸嘅最基本元素係碳、氫、氧同氮。氨基酸嘅分類可以通過極性、酸鹼度同支鏈類​​型（比如含有芳香環、羥基、硫等）嚟分類。氨基酸以蛋白質嘅形式存在，構成人體肌肉，細胞同其他組織除水之外嘅第二大成份。喺蛋白質之外，氨基酸亦參與神經傳遞素同生物合成等嘅關鍵過程。

歷史上第一種氨基酸係喺十九世紀初畀人發現嘅。1806年，法國化學家沃克蘭 (Louis-Nicolas Vauquelin) 同 Pierre Jean Robiquet 喺露筍入邊分離咗一種化合物，之後將佢叫做天冬酰胺，即係第一種畀人發現嘅氨基酸[1][2]。胱氨酸喺1810年畀人發現[3]，而佢嘅異構體半胱氨酸就直到1884年先畀人發現[2][4]。甘氨酸同亮氨酸係1820年發現嘅[5]。英文用amino acid表示氨基酸係從1898年開始[6]。1902年，有人發現蛋白質經酵素消化或者酸水解之後會產生氨基酸。Emil Fischer 同 Franz Hofmeister 提出蛋白質係一個氨基酸嘅胺基同另一個氨基酸嘅羧基結合組成嘅線結構，佢哋叫呢種結構做肽[7]。

氨基酸嘅分子結構含有胺基（―NH2 ）同羧基（―COOH），兼且氨基同羧基都直接連接喺一個-CH-結構上嘅有機化合物。通式係H2NCHRCOOH。根據胺基連接喺羧酸碳原子嘅位置，可分成α、β、γ、δ……氨基酸（C……C―C―C―C―COOH）。

蛋白質經水解後，會產生...