國際單位制 | 合法藥品大搜索

國際單位制（粵拼：gwok3 zai3 daan1 wai2 zai3，法文：Système International dUnités，簡稱SI，又叫萬國公制）係一種國際通用嘅十進制進位（即係公制）嘅標準度量衡單位系統，而家除咗美國、緬甸同利比利亞外，喺世界上廣泛咁用緊。好多以前用開英制單位嘅國家，例如英國、加拿大、澳洲，都改用公制。

喺2019年SI基礎單位重新定義之後，公斤嘅定義唔再依賴一件實物，換言之所有國際標準單位嘅定義都可以用一啲物理常數同埋或者物料嘅基本參數嚟計出嚟。

國際單位制有七個基本單位[1]，呢啲基本單位全部都係由唔同嘅物理常數同埋或者物料嘅基本參數嚟定義出嚟。

衍生單位係由七個國際單位制基本單位衍生出嚟關於唔同物理量嘅單位。